धरान । ब्राउनसुगरसहित झापा अर्जुनधारा नगरपालिकाका दुई युवा झापाको कमल गाउँपालिकास्थित केर्खाबाट पक्राउ परेका छन् ।
जिल्ला प्रहरी कार्यालय झापाका अनुसार अर्जुनधारा नगरपालिका ९ का २६ वर्षीय अजय माझी र सोही ठाउँका २८ वर्षीय अर्जुन राजवंशीलाई पक्राउ गरिएको हो । कमल गाउँपालिका ३ केर्खाबाट इलाका प्रहरी कार्यालय दमक र प्रहरी चौकी केर्खाबाट खटिएको प्रहरीले मोटरसाइकलमा सवार उनीहरूलाई जाँचका क्रममा पक्राउ गरिएको छ ।
मे ५ प ९८१८ नम्बरको मोटरसाइकलमा सवार माझी र राजवंशीको साथबाट १० ग्राम ब्राउनसुगर र १६ हजार ८५५ नगद बरामद गरिएको जिल्ला प्रहरी कार्यालय झापाका प्रवक्ता एिसपी वसन्त पाठकले जानकारी दिए ।
मोटरसाइकलसहित उनीहरूलाई नियन्त्रणमा लिई अनुसन्धान भइरहेको प्रहरीले जनाएको छ ।
