श्री शालवाहनीय शाके १९४६ ने.सं. ११४५ वि.सं. २०८१ साल चैत २१ गते बिहीबार, ३ अप्रिल २०२५, कालयुक्तनाम संवत्सर। चैत्र शुक्लपक्षको षष्ठी तिथि ०९ः५५ बजेसम्म, उप्रान्त सप्तमी, नक्षत्र रोहिणी ०७ः१४ बजेसम्म, मृगशिरा, चन्द्रमा राशि वृष, सूर्याेदय ०५ः५२ बजे र सूर्यास्त ०६ः२२ बजे हुनेछ ।
मेष (चु, चे, चो, ला, लि, लिु, द, ले, लो, अ)
अध्ययनमा प्रगति हुनेछ भने ज्ञानलाई निखार्ने अवसर प्राप्त हुनेछ। सुखद् समाचारले उत्साह जगाउनेछ।
वृष (इ, उ, ए, ओ, बा, बि, बु, बे, बो)
आम्दानीका स्रोत बढ्नुका साथै दिगो फाइदा हुने काममा सम्झौता गर्ने समय छ। नयाँ काम प्रारम्भ हुनेछ।
मिथुन (का, कि, कु, घ, ङ, छ, के, को, ह)
बौद्धिक अभिव्यक्तिको तारिफ हुनेछ। बोलीको प्रभावले आर्थिक क्रियाकलापमा समेत फाइदा हुनेछ।
कर्कट (हि, हु, हे, हो, डा, डि, डु, डे, डो)
पहिलेको सफलताले थप हौसला जगाउनेछ। नयाँ कामको प्रस्ताव आउनेछ भने सहयोगीहरू भेटिनेछन्।
सिंह (मा, मि, मु, मे, मो, टा, टि, टु, टे)
बिछोडिएका परिवारजनसँग भेटघाट हुनेछ। पहिलेका कमजोरी सुधार्दै जीवनशैलीमा परिवर्तन ल्याउन सकिनेछ।
कन्या (टो, प, पि, पु, ष, ण, ठ, पे, पो)
बौद्धिकजगत्ले तारिफ गर्नेछ भने व्यक्तित्व निखार्ने अवसर प्राप्त हुनेछ।आजको लाभांश सञ्चय नहुन सक्छ।
तुला (र, रि, रु, रे, रो, ता, ति, तु, ते)
व्यवसायमा लगानी बढाउनुपर्ने समय छ। सरसापटमा धन बाहिरिन सक्छ। कर्जामार्फत् धन जुट्नेछ।
वृश्चिक (तो, ना, नि, नु, ने, नो, या, यि, यु)
आफ्नाबाट भने टाढिनुपर्ला। छिमेकमा असमझदारी बढ्ने देखिएकाले होसियारीसाथ काम लिनुहोला।
धनु (ये, यो, भ, भि, भु, ध, फा, ढ, भे)
आम्दानीका स्रोत भेटिए पनि धेरै फाइदा उठाउन नसकिएला। रकम हातलागे पनि खर्चनुपर्ने स्थिति आउन सक्छ।
मकर (भो, ज, जि, खि, खु, खे, खो, गा, गि)
श्रमको राम्रै मूल्याङ्कन भए पनि प्रतिफल तत्कालै प्राप्त नहुन सक्छ। सञ्चित रकमसमेत खर्चनुपर्ला।
कुम्भ (गु, गे, गो, सा, सि, सु, से, सो, द)
आवश्यक पर्दा सरसापट वा कर्जामार्फत् धन जुट्नेछ। दिगो फाइदा हुने जिम्मेवारी भने प्राप्त हुनेछ।
मीन (दि, दु, थ, झ, ञ, दे, दो, च, चि)
सफलताले हिम्मत दिलाउनेछ। प्रयत्न गर्दा राम्रै काममा जग बसाउने मौका छ। दिगो फाइदा हुने काम प्रारम्भ होला।
