धरान । सुनसरी इटहरीका सञ्चारकर्मी पवन अधिकारी विज्ञापन बोर्डको सदस्यमा नियुक्त भएका छन् ।
नेपाल सरकारको मन्त्रिस्तरीय निर्णयबाट अधिकारीलाई सदस्यमा नियुक्त गरिएको हो । अधिकारी नेपाल प्रेस युनियन सुनसरीका सभापति पनि हुन् । सञ्चार तथा सूचना प्रविधि मन्त्रालयका उपसचिव सुरेन्द्र थापाले आइतबार अधिकारीलाई नियुक्त दिएको जानकारी गराए ।
भदौ ३१ गते बसेको मन्त्रिस्तरीय निर्णयले चार वर्षका लाग विज्ञापन ऐन २०७६ को दफा १४ को उपदफा (१) को खण्ड (ङ) बमोजिम अधिकारीलाई सदस्यमा नियुक्त गरिएको जनाइएको छ ।
अधिकारी नेपाल विज्ञान संघ प्रदेश १ का अध्यक्ष हुन् भने दुई दशक लामो पत्रकारिताको अनुभव समेत रहेका उनी एक दशकयता विज्ञापनका क्षेत्रमा काम गर्दै आइरहेका छन् ।
