धरान । किरात राई पत्रकार सङ्घको पाँचौं जिल्ला अधिवेशनले वसन्त बान्तवाको अध्यक्षतामा १५ सदस्यीय नयाँ कार्य समिति चयन गरेको छ ।
धरान–१० स्थित यलम्बर स्मृति संग्रहालयमा सोमबार आयोजित अधिवेशनले समितिको उपाध्यक्षद्वयमा सञ्जु राई र पारस चाम्लिङ राई, सचिवमा सुम्निमा चाम्लिङ, सहसचिवमा सुप्रिया राई, कोषाध्यक्षमा दिलबहादुर राई र सहकोषाध्यक्षमा दिपेश राई चयन भएका छन् । यसै गरी सदस्यहरूमा स्वर्णीम राई, स्मारिका राई, सचिन राई, र मनिषजङ्ग राईलगायत छन् ।
समितिको पहिलो बैठकले थप चारजना सदस्य मनोनित गर्ने जनाइएको छ । नेपाल पत्रकार महासंघ सुनसरीका अध्यक्ष जनकऋषि राईको प्रमुख आतिथ्यतामा भएको कार्यक्रममा नेपाल पत्रकार महासंघका केन्द्रीय सदस्य एवम् किरात राई पत्रकार संघका पूर्व अध्यक्ष भीषण राई, नेपाल फोटो पत्रकार महासंघका केन्द्रीय सदस्य उपेन्द्र चाम्लिङ लगायतको उपस्थिति रहेको थियो ।
कार्यक्रममा हाल उपचाररत प्रवीण राईलाई नगदसहितले सम्मानित गरिएको थियो । निवर्तमान अध्यक्ष विशाल राईको अध्यक्षतामा सम्पन्न अधिवेशनको निर्वाचन मण्डलको अध्यक्षमा राजेन्द्र राई रहेका थिए ।
