विराटनगर महानगरपालिका १६ दरैयाबाट प्रहरीले एक जनालाई लागूऔषधसहित पक्राउ गरेकाे छ ।
पक्राउ पर्नेमा सुनसरी इटहरी उपमहानगपालिका १३ का २३ बर्षीय सुशिल श्रेष्ठ रहेका १ नम्बर प्रदेश प्रहरी कार्यालय विराटनगरले जनाएकाे छ ।
कार्यालयका अनुसार बुधबार अपरान्ह ५ बजे ईलाका प्रहरी कार्यालय रानीबाट खटिएको प्रहरी टोलीले श्रेष्ठलाई लागूऔषध लुपिजेसिक १० एम्पुल, डाईजाल्याब १० एम्पुल, एभिल १० एम्पुल र फेनारगन १० एम्पुलसहित पक्राउ गरेको हो । पक्राउ परेका श्रेष्ठको थप अनुसन्धान भईरहेको कार्यालयले जनाएकाे छ ।
