सोमबार सप्तरीको हनुमान नगरबाट ठूलो मात्रामा लागु औषध सुनसरी भित्र्याईदै गरेको भन्ने गोप्य सूचनाका आधारमा जिल्ला प्रहरी कार्यालय सुनसरीबाट खटिएको प्रहरीले कोसी गाउँपालिका ८ कोसी कटानबाट ३ जना पक्राउ परेको कार्यालयले जनाएको छ ।
कार्यालयका अनुसार पक्राउ पर्ने लागु औषध कारोबारी सप्तरीको हनुमान नगर कंकालनी ७ का २१ सुरज ठाकुर, भारतको सुपौल भगवानपुर पञ्चायत सम्दाहा गडी–१२ का २२ वर्षीय अवधेष कुमार मण्डल र रोशन मण्डल रहेका छन् ।
पक्राउ पर्नेहरूको साथबाट ६० बोतल डाईलेक्स डीसी, २४ पत्तामा १००८ थान स्पास्मोप्रोक्सीभन क्याप्सुल र भारतीय नगद २० हजार बरामद भएको कार्यालयले जनाएको छ ।
त्यस्तै, भोक्राह नर्सिङ ६ बाट डाईलेक्स डीसी १०० एमएल को १६ बोतल नाईट्रोसन ८ पत्तामा ८० ट्याव्लेट स्पास्मोप्रोक्सिभन प्लस ५ पत्तामा १२० क्याप्सुलसहित भारतको अररीया जिल्ला वेलगामा पञ्चायत घुर्ना थाना ५का भारतीय नागरिक १९ वर्षीय रुपेस कुमार मेहता पक्राउ परेको कार्यालयले जनाएको छ ।
पक्राउ परेको चारै जनालाई लागुऔषध नियन्त्रण एन २०३३ बमोजिम कारवाहीका लागी जिल्ला अदालत सुनसरी बाट ७ दिनको म्याद थप गरी कानुनी प्रक्रिया अघि बढाइएकाे कार्यालयले जनाएको छ ।
त्यस्तै, इनरुवा नगरपालिका ८ बसपार्क एरियाबाट प्रतिबन्धित औषधी सहित १ जना पक्राउ परेका छन् । पक्राउ पर्नेमा हरि नगर गाउँपालिका ४ का ४० वर्षीय विष्णु ऋषिदेव रहेको जिल्ला प्रहरी कार्यालय सुनसरीले जनाएको छ ।
कार्यालयका अनुसार पक्राउ परेका ऋषिदेवको साथबाट प्रतिबन्धित औषधी ट्रमाडोल क्याप्सुल आइपी ५० मिलिग्राम ११ हजार २४० क्याप्सुल बरामद भएको कार्यालयले जनाएको छ । पक्राउ परेका उनलाई आवश्यक कानुनी कारबाहीका लागी औषधी व्यवस्था विभाग विराटनगर पठाइएको कार्यालयले जनाएको छ ।
