धरान : जिल्ला प्रशासन कार्यालय धनुषाका एक कर्मचारी घुस सहित पक्राउ परेका छन् ।
मंगलबार जनकपुरधाम स्थित प्रशासन कार्यालयका कार्यरत नायब सुब्बा उमेश कुमार चौधरीले नागरिकताको प्रतिलिपि बनाउन एक सेवाग्राहीसँग घुस लिएको आरोपमा पक्राउ परेको अख्तियार आयोगको कार्यालयले जानकारी दिएको छ ।
नायब सुब्बा उमेश कुमार चौधरीलाई घुस सहित अख्तियार दुरुपयोग अनुसन्धान आयोगको बर्दिबास कार्यालयले पक्राउ गरेको छ । नासु चौधरीलाई जनकपुरधाम स्थित क्याम्पस चोकबाट ८ हजार ५ सय रुपैयाँ घुससहित पक्राउ गरिएको बर्दिबासस्थित अख्तियार आयोगको कार्यालयले जनाएको छ ।
पक्राउ परेका आरोपित नासु चौधरीलाई अख्तियारको कार्यालय बर्दिबासमा लागि थप अनुसन्धान गरिने अख्तियारको बर्दिबासको कार्यालयले जनाएको छ ।
