देउराली । संखुवासभाकाे मादी नगरपालिकामा एकै परिवारका ६ जनाकाे विभत्स हत्या भएकाे छ ।
मादी नगरपालिकाकाे -१ नम्बर वडा स्थित उम्लिङमा रहेकाे बाैद्धमान कार्कीकाे घरमा धारीलाे हतियार प्रहार गरि एकै परिवारकाे ६ जनाकाे हत्या भएकाे हाे । हत्या भएकाहरूमा बाैद्धमानकी ८४ वर्षीय श्रीमती पार्वता, छाेरा ५८ वर्षीय तेजबहादुर, ५६ वर्षीय मनमाया बुहारी २८ वर्षीय रञ्जना, नाती ११ वर्षीय दिपक र नातीनी गाेमा रहेकाे वडा अध्यक्ष खेमनाथ कटुवालले जनाएका छन् ।
घर नजिकैकाे खरबारी नाती र नातीनाकाे शव पफेला परेकाे र खाेल्सामा सासु र एउटी बुहारीकाे त्यसै गरी बाटाेमा तेजबहादुरकाे र घर भित्र एउटी बुहारीकाे शव फेला परेकाे साेही वडाका सचिव धनबहादुर श्रेष्ठले बताएका छन् ।
श्रेष्ठका अनुसार बैद्धमानका २ छाेरा मध्य एक जना छाेरा बैदेशिक राेजगारमा रहेका छन् । उनले भने ' घटना रहस्यमय छ, शवहरू यत्रतत्र छन्, सबैभन्दा नजिककाे छिमेकी भनेकाे करिव २ सय मिटर पर भएकाले पनि घटना अलि ठिलाे गरी थाँहा पाइयाे । '
घटना स्थलमा जिल्ला प्रहरी कार्यालय संखुवासभाबाट प्रहरी नायव उपरिक्षक सहितका टाेली घटना स्थलमा जादै गरेकाे बताइएकाे छ ।
