धरान । जबर्जस्ती करणी मुद्दाका फरार अभियुक्त ७ वर्षपछि पक्राउ परेका छन् ।
जिल्ला प्रहरी कार्यालय मोरङका अनुसार मोरङ सुनवर्षी नगरपालिका–५ टकुवाका ३२ वर्षीय दीपक दासलाई पक्राउ गरिएको हो । उनलाई इलाका प्रहरी कार्यालय रङ्गेलीको टोलीले भदौ १८ गते पक्राउ गरेको छ । उनीमाथि जबर्जस्ती करणी गरेको अभियोग लागेपश्चात् जिल्ला अदालत मोरङले २०७१ मघ २१ गते ८ वर्ष ६ महिना कैद सजाय सुनाएको थियो । उनी करणीपश्चात् फरार रहेका थिए । प्रहरीले पक्राउ परेका दासलाई फैसला कार्यान्वयनको क्रममा जिल्ला कारागार विराटनगर चलान गरेको छ ।
