विर्तामाेडमा डेरा गरी बस्ने टेम्पू चालककाे हत्या भएकाे छ ।
विर्तामाेड ४ स्थित खेमप्रसाद श्रेष्ठकाे घरमा डेरा गरि बस्ने टेम्पू चालक ५० वर्षीय भात्रु राजबंशीकाे शव उनकै डेरामा फेला परेकाे छ । कचनकवाल ३ स्थाइ घर भएका मृतककाे अनुहार र टाउकामा चोट देखिएको जिल्ला प्रहरी कार्यालय झापाका सूचना अधिकारी राकेश थापाले जनाएका छन् ।
उनका अनुसार मृतकका १५ वर्षीय छोरा देव नारायण राजवंशीले आफ्नो बुवाको हत्या कान्छा काकाले गरेको भनी प्रहरीमा किटानी जानकारी दिएका छन् ।
