बिर्तामोड । चेक बाउन्स प्रकरणमा संलग्न एकजनालाई झापा प्रहरीले पक्राउ गरेको छ ।
प्रहरीले इलामको जितपुर गाउँपालिका–४ घर भई बिर्तामोड नगरपालिका–५ बस्ने टंकनाथ कट्टेललाई पक्राउ गरेको जनाएको छ ।
कट्टेलले आफ्नो खातामा पर्याप्त मौज्दात रकम नभएको भन्ने जानी–जानी जाहेरवालालाई झुक्याएर सिभिल बैंकको चेक दिएका थिए । रकम नभएको चेक दिनुलाई बैकिङ कसुर गरेको ठहर्छ । कट्टेलले बैंकिङ कसुरजन्य अपराध गरेको प्रहरीले जनाएको छ ।
सो मुद्दामा उच्च अदालत पाटनबाट मिति २०७७ माघ ४ गतेको फैसलाले बैंकिङ कसुर तथा सजाय ऐन २०६४ बमोजिम ७ दिन कैद र रू ६० लाख रुपैयाँ जरिवाना असुल गर्नुपर्ने फैसला गरेको थियो ।
अदालतको फैसलापछि फरार रहेका उनलाई प्रहरीको केन्द्रीय अनुसन्धान ब्यूरोबाट फैसला कार्यान्वयन तथा फरार प्रतिवादीहरुको खोजतलास एवं पक्राउको लागि परिचालित टोलीले बिर्तामोडबाट पक्राउ गरी झापा जिल्ला अदालतमा पेश गरेको जनाएको छ ।
