भद्रपुर । झापाको मेचीनगर—१० मा भएको प्रदिप आचार्यको मृत्युको घटनाका विषयमा आवश्यक अनुसन्धान र सोधपुछका लागि प्रहरीले एकजना ४० वर्षीया महिलालाई नियन्त्रणमा लिईएको छ ।
घटनाका विषयमा सम्बन्धित पक्षले सत्य तथ्यरुपमा छानवीन गरीदिन परिवारजनले आग्रह गरेका थिए । इलाम नगरपालिका—१० मूर्तिडाँडाका ४० बर्षीय प्रदिप झापाको मेचीनगर—१० लालपानिस्थित नातामा मामा पर्ने ज्ञानु पौडेलको घरको कोठा भित्र झुण्डिएको अवस्थामा बुधबार विहान फेला परेका थिए । घटनाको प्रकृति हेर्दा आचार्यको आत्महत्या नभएर हत्या भएको हुन सक्ने परिवारको दाबी छ ।
घटना पश्चात मृतक आचार्यका परिवार र आफन्तबाट आत्महत्या दुरुत्साहनमा झापाको मेचीनगर—१० की ती महिलाको नाममा जाहेरी दरखास्त इलाका प्रहरी कार्यालय धुलाबारीमा परेपछि प्रहरीले बुधबार साँझ उनलाई आवश्यक अनुसन्धान र सोधपुछका लागि नियन्त्रणमा लिईएको छ ।
हाल ती महिलालाई इलाका प्रहरी कार्यालय धुलावारीमा राखिएको र विहीबार अदालतबाट म्याद थप गरेर आवश्यक प्रक्रिया अघि बढाईने प्रहरीको भनाई छ ।
अनुसन्धान सुरु भइ सकेको झापा प्रहरीले जनाएको छ । पोष्टमार्टम्को रिपोर्ट आएपछि मात्र घटनाका बारेमा जानकारी दिने प्रहरीको भनाई छ ।
