धरानमा प्रहरीले करिव २० केजी गाँजा बरामद गरेको छ । धरान प्रहरीले अन्दाजी २० केजी गाँजा बरामद गरेको जिल्ला प्रहरी कार्यालय सुनसरीले जनाएको छ । कार्यालयका अनुसार १७ नम्बर वडा नमुना सुन्दरबस्ति सर्दुहोलाको बगरमा अस्थाई प्रहरी पोष्ट रेल्वेबाट खटिएको प्रहरी टोलीले गस्तिका क्रममा वेबारिसे अवस्थामा बोरो भित्र पोको पारेको अवस्थामा अन्दाजी २० केजी गाँजा बरामद गरेको हो । बरामद गाँजा इलाका प्रहरी कार्यालय धरान ल्याई अनुसन्धान थालिएको कार्यालयले जनाएको छ ।
त्यस्तै, इटहरी उपमहानगरपालिका १२ स्थित कोशी राजमार्गमा चेकजाँचका क्रममा प्रहरीले २१ केजी गाजा बरामद गरेको जिल्ला प्रहरी कार्यालय सुनसरीले जनाएको छ ।
इटहरीबाट विराटनगर तर्फ जादैगरेको प्र. १–०२–०४३ प ८८०४ नम्बरको मोटरसाईकललाई चेकजाँच गर्ने क्रमा ह्यापी वर्थडे लेखेर बेको कार्टुन र मोटरसाइकलको लेगाडमा जेब्रा झोला भित्र प्लस्टिकले पोको पारेर २१ पोका गाजासहित धनकुटा सागुरीगढीका ८ द्दर भई इटहरी ४ मा डेरा गररि बस्ने २७ वर्षिय दिेपेश राई र मोटरसाईकलको पछाडी सवार उनकी श्रीमती २५ वर्षिय शर्मिला राईलाई पक्राउ गरेको कार्यालयले जनाएको छ ।
त्यसैगरी, मोरङ प्रहरीको सहयोगमा गाँजा ओसार पोसारमा संलग्न भारतको अररिया जिल्ला जोगवनीका अन्दाजी ३० वर्षिय टुननटुन यादवलाई पनि विराटनगर १५ बाट पक्राउ गरी पक्राउ परेका तिनैजनालाई सुनसरी जिल्ला अदालतबाट ९ दिनको म्याद थप गरी थप अनुसन्धान भइरहेको कार्यालयले जनाएको छ ।
