भद्रपुर । झापामा लागूऔषधसहित तीनजना पक्राउ परेका छन् ।
लागूऔषध कारोवार गर्ने तीनलाई प्रहरीले अर्जुनधारा–४ मदनपुरबाट पक्राउ गरेको जिल्ला प्रहरी कर्यालय झापाले जनाएको छ ।
मदनपुर क्षेत्रमा लागूऔषध कारोबार भइरहेको भन्ने सूचना पाएपछि लागूऔषध ब्युरो काँकडभिट्टा, ईलाका प्रहरी कार्यलय बिर्तामोड र प्रहरी चौकी शनिश्चरेबाट खटिएको संयुक्त प्रहरी टोलीले अर्जुनधारा –२ बस्ने १८ वर्षिय एबिट बुढाथोकी, ३० वर्षीय सजित समाल र अर्जुनधारा–३ का २६ वर्षीय सौगात खतिवडालाई पक्राउ गरेको जिल्लाका डिएसपी राकेश थापाले जनाए ।
उनीहरुको साथबाट ७ ग्राम ब्राउनसुगर, ४९ हजार ५ सय नगद र ५ थान मोबाइल बरामद भएको उनले जनाए । उनीहरुलाई इलाका प्रहरी कार्यालय बिर्तामोडमा राखिएकोे उनले जानकारी दिए ।
