बराहक्षेत्र / बराहक्षेत्र – ३ बाङ्गेबाट प्रहरीले ब्राउनसुगरसहित ५ जनालाई पक्राउ गरेको छ ।
इलाका प्रहरी कार्यालय महेन्द्रनगर र १ नम्बर प्रदेश प्रहरी कार्यालय विराटनगरको (आरआइटी) समूहले ब्राउन सुगरसहित बराहक्षेत्र –६ का पुरुषोतम मेहता, विशाल बस्नेत, वडा नं ९ का पाथे चन्द्रबंशी र जयन्त माइलालाई पक्राउ गरेको हो ।
प्र १–०२–०४४प ४५५६ र प्र१–०२–०४२ प ४२२९ नम्बरको मोटरसाइकलमा सवार उनीहरुलाई शंका लागेर चेकजाँच गर्ने क्रममा मेहताको साथबाट ७ ग्राम ४३० मिलिग्राम ब्राउन सुगर फेला परेको थियो ।
दुवै मोटरसाइकल र चारै जनालाई नियन्त्रणमा लिएर थप अनुसन्धान गरिएको थियो । अनुसन्धानका क्रममा उनीहरुले दिएको सूचनाको आधारमा भारतको सुपौल थाना बिरपुर बनेलीपट्टी ३ का २५ वर्षीय रुद्रनारायण कुमार यादवलाई सुनसरीको बराहक्षेत्र न।पा. वडा नं. ८ शुक्रवारेबाट आज साझ पक्राउ गरेको थियो ।
खानतलासी गर्दा निजको साथबाट ५२ ग्राम अवैध लागूऔषध ब्राउनसुगर र भारतीय नम्बर प्लेट बि आर – ५० के ०३८६ को निलो रङको अपाची मोटरसाइकल समेत नियन्त्रणमा लिएर सोधपुछ गर्दा भाद्र ६ गते पक्राउ परेका पुरुषोतम मेहताको घरकोठामा लागु औषध ९ब्राउन सुगर० लुकाई छिपाई राखेको छ भन्ने जानकारी दिएका थिए ।
प्रहरी टोलीले पुरुषोतम मेहताको घरकोठा खानतलासी गरेको थियो । घर खानतलासी गर्ने क्रममा थप १७ ग्राम अवैध लागूऔषध खैरो हिरोईन ( ब्राउन सुगर ) फेला पारेको थियो ।
उक्त लागूऔषध जम्मा ७६ ग्राम ४३० मिलिग्राम रहेको इलाका प्रहरी कार्यालय चक्रघट्टीले जनाएको छ । पक्राउ परेकालाई थप अनुसन्धान गरिरहेको प्रहरीले जानकारी दिएको छ ।
त्यस्तै धरान प्रहरीले ब्राउन सुगरसहित २ जनालाई पक्राउ गरेको छ ।
प्रहरीका अनुसार धरान १० मा रहेको ड्रिमल्याण्ड होटलबाट इलाका प्रहरी कार्यालय धरानको टोलीले २ जना पक्राउ गरेको हो । पक्राउ पर्नेहरुमा सप्तरी राजविराज नगरपालिका ११ का ३० वर्षीय वर्मदेव चौधरी र धरान ३ का २४ वर्षीय मो। नुरदिन रहेका छन् । उनीहरुलाई ब्राउन सुगर ३ ग्रामसहित पक्राउ गरिएको र थप अनुसन्धान गरिरहेको प्रहरीले जनाएको छ ।
