बराहक्षेत्र। सामाजिक रुपान्तरणका लागि युवा 'रक्तदान गरी जिवनको ज्याति प्रज्वलित गरौँ' भन्ने मुल नारा रहेको फ्रेडशिप युवा क्लव रामधुनीद्वारा कोरानाको महामारीको समयमा अस्पतालमा रगत अभाव भएका कारण कसैले पनि रगतको अभावमा ज्यान गुमाउनु नपरोस भन्दै शनिबार पहिलो पटक क्लबले रक्तदान गरेको छ ।
जिवनमा पहिलो पटक झन यो महामारीको समयमा अकालमा मृत्यु भएको अवस्थामा रक्तदान दिन पाउँदा आफुले जिवनमा पुण्य कमाएको महसुस भएको स्थानीय रजत कुमार साहले ब्लाष्ट सामु खुशि व्यक्त गरेको छ । हाम्रो शरिरमा ६।६ महिना रगत परिवर्तन हुनु भएकोले यो अनावश्यक रुपमा पसिनाबाट खेर जाने भएकोले खेर गएको रगत कसैको जिवनमा नयाँ परिवर्तन ल्याउँ छ भने किन रक्तदान नदिने भनेर सवैलाई अनुरोध गरेका छ ।
आयोजित रक्तदान कार्यक्रको सुभारम्भ गर्दै रामधुनी नगर प्रमुख जयप्रकाश चौधरीले कोरोना सृजित विषमताका बेला गरिएको रक्तदानको कयौं गुणा महत्व रहेको चर्चा गरे।
विशेष अतिथि रामधुनी नगरपालिका उप प्रमुख सविना चौधरीले भने दैनिक जस्तो रगत अभावको खबर आइरहेको स्मरण गर्दै आज गरिएको रक्तदानले रगत अभाव टार्न केही सहयोग हुने विश्वास व्यक्त गरे । उपप्रमुख चौधरी गुरु पुर्णिामाको अवसरमा रक्तदान कार्यक्रम आयोजना गरिएकोमा उनले खुसी व्यक्त गरे ।
रक्तदान कार्यक्रममा ९२ पिन्ट रगत संकलन भएको क्लबले जनाएको छ । जस्मा महिलाहरु हामी पुरुष सरह बराबर छौ, कमजोरी छैन भनेर ८ जनाले रक्तदान दिएको थियो भने पुरुषले ८३ जनाले रक्तदान दिएको हो ।
कार्यक्रममा सहभागी रक्तदाताहरुलाई टिसर्ट, प्रमाणपत्र साथै पौष्टिक अहार प्रदान गरेको क्लबको अध्यक्ष युवराज श्रेष्ठले बताए । वडा नम्बर ६ का वडाध्यक्ष हेमनारायण राजधामी लगायत वडा नम्बर ५ र ७ का वडाध्यक्षको विशिस आतिथ्यमा कार्यक्रम सम्पन्न भएको हो ।
प्रमाणपत्र प्रयोजन स्थानीय सामाजसेवि सिजन राजधामीले गरेको थियो । शिध्देश्वर शिवालय मन्दिर रामधुनि (६ इचौल सरोनाको सह( आयोजनामा कार्यक्रम भएको हो ।
स्थापना काल २०५४ साल देखि क्लबले विभिन्न युवाहरूको लागि खेलकुद,सासकृति साथै सामाजिक कार्य गर्दै आएको छ । यसअघि रामधुनी–६, का विभिन्न स्थानमा २ सय ५० वटा वृक्षरोपण समेत गरिसकेको क्लबका सचिव युनिसा श्रेष्ठले जानकारी दिए ।
क्लबले विपि कोइराला विज्ञान प्रतिष्ठान नेपाल रेडक्रस सोसाइटी धरानको प्राविधिक सहयोगमा रक्तदान कार्यक्रम भएको थियो ।
