जिल्ला अस्पताल संखुवासभा र सामान आपुर्ति कम्पनी बिच मिलेमतो भएको खबर बाहिर आएसँगै अस्पतालले सूचना लुकाउन थालेको छ । बोलपत्रदाताहरुले अख्तियारमा उजुरी गरेसँगै अस्पतालको नियत सार्वजनिक भएपछी जिल्लाका सञ्चारकर्मीहरुले सत्यतथ्य केलाउन अस्पतालसँग लिखित रुपमा सूचना माग गर्दै आएको थियो ।
तर आपुर्ति प्रक्रिया नसकिएको भन्दै माग गरिएको सूचना दिन नमिल्ने अस्पतालले जवाफ दिएको छ । अस्पतालले बोलपत्र आह्वान गर्नु अघि र पछीका निर्णयहरु र गुणस्तरीय सामान मापन गर्ने बायोमेडिकल इनिजनियरले प्रमाणित गरेको प्रमाणित कागज सञ्चारकर्मीहरुले माग गर्दै आएका थिए ।
तर शुक्रबार अस्पतालले लिखित जवाफ दिदै बायो मेडिकल इन्जिनियरले प्रमाणित गरेको कागज बोलपत्रको प्रक्रिया सम्पन्न भएपछी मात्र उपलब्ध गराउने जनाउदै आएको छ । तर संचारकर्मीहरुले पटकपटक माग गर्दा पनि सम्बन्धित कागजात नदिइएको जानकारी पाएका आमजनता सोही कागजातमा नै समस्या हुनसक्ने टिप्पणी गर्न थालेका छन् ।
अस्पतालको पछिल्लो गतिविधिको बारेमा जानकारी लिन खोज्दा निमित्त मेडिकल सपरिटेन्डेन्ट सुन्दर श्याम झाले यो विषयमा मेरो पछी नलाग्न र यो विषयमा बोल्न आवश्यक नरहेको बताए । अस्पतालको विषयमा आफुले भन्नु पर्ने विषय विज्ञप्ती मार्फत हिजै भनेको भन्दै उनले क्यामेरामा जवाफ दिन मानेन् ।
उनै मेसु सुन्दर श्याम झाको हस्ताक्षरमा अस्पतालले विहिबार विज्ञप्ती जारी गरेको थियो । विज्ञप्तीमा प्रचारप्रसारमा आएका विषयहरु गलत रहेको उल्लेख गरिएको थियो ।
तर सञ्चारकर्मीहरुले भेन्टिलेटर र आइसियु वार्डका सामाग्री आपुर्तीमा मिलेमतो भएको भन्दै अन्य बोलपत्रदाता कम्पनीहरुले अख्तियारमा उजुरी गरेपछी सोही बमोजिम समाचार प्रकाशन तथा प्रशारण गरेको थियो । तर अस्पतालको नियत ढाकछोप गर्न जारी गरेको विज्ञप्तीमा नै सबैभन्दा बढी कबोल गर्ने ¥यापिड ट्रेडर्सलाई नै बोलपत्र स्वीकृत गरेको स्वीकार गर्दै अस्पताल प्रशासनको अशली रुप सार्वजनिक गरेको छ ।
विज्ञप्तीमा भनिएको छ, अस्पताललाई आवश्यक पर्ने २१ किसिमका सामाग्रीहरु मध्ये अन्य चार वटा फर्महरुले पेश गरेको सामग्रीको स्पेसिफिकेशन अनुसार नभएको, मापदण्डनपुगेका र गुणस्तर नभएका सामाग्री खरिद नगर्ने निर्णय गरी खरिद प्रक्रिया अघि बढाइएको हो ।
भेन्टिलेटर र आइसियु वार्डका सामग्री खरिद गर्न मेनका इन्टरप्राइजेज प्रा.लि., ¥यापिड टेडर्स, प्रोफेसनल मार्केटिङ प्रा.लि. युनाइटेड मेडिकल डिभाइस प्रा.लि. र द मेडिकल सोलुशन प्रा.लि. गरी पाँच बटा कम्पनीले बोलपत्र पेश गरेका थिए ।
उक्त बोलपत्रदाता कम्पनीहरुमध्ये ¥यापिड टेडर्सले सूचना बमोजिमको सामान आपूर्ति गर्न सबै भन्दा बढी रकम २ करोड ८८ लाख ५१ हजार १ सय ९३ रुपैया ९ पैसाको बोलपत्र पेश गरेको थियो भने मेनका इन्टरप्राइजेज प्रा.लि.ले सबै भन्दा कम २ करोड ५३ लाख ७० हजार ७ सय ६० रुपैंयाको बोलपत्र पेश गरेको थियो ।
सार्वजनिक खरिद ऐन अनुसार सबै भन्दा कम मूल्य कबोल गर्ने आपूर्तिकर्ता मेनका इन्टरप्राइजेज प्रा.लि.ले स्वीकृति पाउनु पर्ने थियो । तर जिल्ला अस्पताल संखुवासभाले २०७८ असार २८ गते मध्यान्ह दैनिकमा नै प्रकाशित बोलपत्र स्वीकृत गर्ने आशयको अर्को सूचना प्रकाशन गर्दै सामान आपूर्ति गर्न सबै भन्दा बढी रकमको बोली लगाउने ¥यापिड ट्रेडर्सलाई योग्य ठह¥याई स्वीकृतिका लागि सिफारिस गरेको थियो ।
