बेलबारी/ माेरङको बेलबारीमा कोरोना भाईरसको संक्रमण कायमै रहेको छ । जसमा २५ जनाको मृत्यु भईसकेको छ भने एकै वडामा सयौको संख्यामा सक्रमीतहरु छन् ।
बेलबारी नगरपालिका स्वास्थ्य शाखाका जनस्वास्थ्य निरीक्षक सन्तोष विश्वकर्माका अनुसार ८८७ जना संक्रमित मध्ये ४५० जना निको भईसकेका छन् भने ४१२ जना सक्रिय संक्रमित छन् । जसमध्ये २५ जनाको मृत्यु भईसकेको छ ।
७ जना नगरपालीकाको आईसोलेसनमा उपचाररत छन् भने ७ जना थप उपचारको लागी विराटनगर लगिएको जनस्वास्थ्य निरीक्षक विश्वकर्माले बताए । मंगलबार सय जनाको पिसिआर परिक्षण गर्दा ४८ जनाको रिपोर्ट पोजेटिभ देखिएको विश्वकर्मा बताउछन् ।
उनका अनुसार हप्तामा झण्डै ३ सयको संख्यामा परिक्षण भईरहेको र त्यसमा झण्डै ५० प्रतिशतको हाराहारीमा रिपोर्ट पोजेटिभ आउने गरेको बताउँछन् । वडा नम्बर १,२,३ र ११ संक्रमितको उच्च जोखिममा रहेको बेलबारी नगरपालिकाले जनाएको छ ।
बेलबारी ११ लक्ष्मीमार्गमा कोरोना संक्रमण बाट एक दम्पती र अरु तिन जनाको तिन साता अवधीभरमा मृत्यु भईसकेको छ । स्थानीय ७८ वर्षीय भैरव बहादुर राईको असार ३१ गते उपचारको क्रममा बिराटनगरस्थित एक अस्पतालमा मृत्यु भयो र सोहि अस्पतालमा उपचारको क्रममै रहेकी उनको श्रीमती ६८ वर्षीय पृथीकला राईको पनि असार ३ गते मृत्यु भएको ११ नम्बर वडाका वडाध्यक्ष यमबहादुर पोख्रेलले बताए ।
सोहि वडामा ७५ वर्षीय श्रीमती राई, ५८ वर्षीय देवीमाया थापा र ६५ वर्षीय विष्णु कुमारी श्रेष्ठको पनि कोरोना सक्रमणकै कारण मृत्यु भईसकेको अध्यक्ष पोख्रेलले बताए । निषेधाज्ञा खुकुलो भए संगै बेलबारीमा संक्रमितको संख्या बढ्न थालेको छ ।
