धरान ८ मा एक युवा मृत फेला परेका छन् । आज बिहान करिब ६ बजे टोलस्थित खहरेमा करिब २२ बर्षीय रूपेश खातुन मृत अवस्थामा फेला परेका इलाका प्रहरी कार्यालय धरानले जनाएको छ । कार्यालयका अनुसार आमाको मृत्यु भएको र बुबाले पनि कान्छी विवाह गरेपछि सानीआमा शान्ति राईसँगै बस्दै आएका खातुन घर अगाडी रहेको खहरेमा मृत फोला परेको हो ।
सानीआमा शान्तिका अनुसार गयराती खाना खाइसकेर साथीको घरमा सुत्ने भनेर गएका र राती नै सातैसँगै घर फर्किएको बताइन् । उनले करिब १२ बजेसम्म साथीसँगै घरमा भएको बताइन् । खहरेमा घोप्टो परेको अवस्थामा मृत फेला परेका खातुनको शव पोस्टमार्टमको लागि वीपी कोइराला स्वास्थ्य विज्ञान प्रतिष्ठानमा पुर्याइएको छ भने प्रहरीले मृतकका साथीसँगपनि सोधपुछ गरिरहेका जनाएको छ ।
मृतक खातुन दुर्व्यसनीमा रहेका प्रहरीको आशङ्का रहेको छ ।
