धनकुटा । नेकपा माओवादी केन्द्रबाट राजिनामा दिएर धनकुटाबाट प्रतिनिधीसभा सदस्यमा स्वतन्त्र उम्मेदवारी दिएका हेमराज भण्डारीले माछा चुनाव चिन्ह पाएका छन् ।
बुधबार मुख्य निर्वाचन अधिकृतको कार्यालयमा पुगेर भण्डारीले माछा चुनाव चिन्ह लिएका हुन् । स्वतन्त्रबाट उम्मेदवारी दिएका उनले माछा चुनाव चिन्ह पाएको सहायक निर्वाचन अधिकृत राजन बास्तोलाले जानकारी दिए । भण्डारीले एक महिना अघि माओवादी केन्द्रको पोलिटव्युरो सदस्यबाट राजिनामा दिएर स्वतन्त्र उम्मेदवार घोषणा गरेका थिए । धनकुटामा प्रतिनिधीसभामा एक मात्रै निर्वाचन क्षेत्र रहेको छ ।
यस्तै प्रदेशसभा निवार्चन क्षेत्र ख’ मा स्वतन्त्र उम्मेदवार दिएका बालानन्द दाहालले काउली र जितेन्द्र मामपाङ्ग राईले चुनाव चिन्ह धारा पाएको सहायक निर्वाचन अधिकृत बास्तोलाले जानकारी दिए । गठबन्धनका बागी उम्मेदवार दाहाल कांग्रेशका जिल्ला सदस्य रहेका थिए । उनले गठबन्धनका विरुद्ध बागी उम्मेदवारी दिएका कारणले कांग्रेसले साधारण सदस्य समेत नरहने गरि वुधवार कारबाही गरेको जनाएको छ । कांग्रेस धनकुटाका सभापति दिनेश राईद्धारा हस्ताक्षरित विज्ञप्तीमा सो जनाइएको हो ।
जितेन्द्र माम्पाङ राईलाई जनता समाजवादी पार्टी नेपाल जिल्ला समन्वय समितिले मनोनयन दर्ता गरेकै दिन कार्वाही गरिसकेको पार्टीका कार्यवाहक अध्यक्ष पार्वती राईले जानकारी दिएका छन् ।
