धरान । सडक कुकुरहरूको उपचार, खानामा ध्यान दिँदै आएको धरानको आकिनियामी धरानले कुकुरका लागि आश्रय स्थल निर्माण गरेको छ ।
आश्रय स्थलको बुधबार उद्घाटन गरिएको छ । आश्रय स्थलको धरान १० स्थित सैनिक भवनमा एक कार्यक्रमका बीच पूर्व राजपरिवारका सदस्यहरूले उद्घाटन गरेका हुन् । धरान–१९ जिमी चोकमा जग्गा भाडामा लिई आश्रय स्थल निर्माण गरेको अभियन्ता रुसल श्रेष्ठले जानकारी दिए । सडक कुकुरको उपचार, बन्ध्याकरण, भ्याक्सिनलगायतका सेवा दिन आश्रय स्थल निर्माण गरिएको श्रेष्ठले जानकारी दिए ।
तस्बिरहरू : उपेन्द्र चाम्लिङ
काठमाडौँको आत्मसर्ग नेपालको समन्वयमा आश्रय स्थल निर्माण गरिएको छ । आगामी दिनमा ल्याब पनि सञ्चालनमा ल्याउने तयारी रहेको जनाइएको छ । १३ जना युवाहरूबाट यो अभियान सुरु भएको हो । कोरोना महामारीका कारणले बन्दाबन्दी भएपछि यस यसंस्थाले सडकका कुकुरलाई खाना खुवाउने अभियान चलाएको थियो । उक्त कार्यक्रम २ सय दिन चलेको थियो ।
