प्रतिनिधि सभा निर्वाचनमा धरानका पूर्व मेयर, नेकपा एमालेका प्रदेश कमिटी सचिवालय सदस्य मनोज कुमार मेन्याङ्बोले बाघी उमेदवारको घोषणा गरेका छन् ।
नेकपा एमालेले सुनसरी क्षेत्र नम्बर १ बाट जनता समाजवादी पार्टी (जसपा) गठबन्धन मार्फत जसपाका अशोक कुमार राईलाई उमेदवार बनाउने भएपछि मेन्याङ्बोले पार्टीको उक्त निर्णय विरुद्ध बाघी उमेदवारीको घोषणा गरेका हुन् ।
सुनसरी क्षेत्र नम्बर १ मा निल्ला कमिटीले यस २०७४ सालमा निर्वाचित भएका जयकुमार राईलाई सर्वसम्मतबाट उमेदवारी सिफारिस गरेको थियो । तर जसपा र एमाले बिच तालमेल गर्दा सुनसरी क्षेत्र नम्बर १ समाजवादीको भागमा परेको छ ।
आफूहरूले सर्वसम्मत सिफारिस गरेको उमेदवारलाई पछाडि सारेर केन्द्रले भूगोलको अवस्था नबुजी गठबन्धनका गरेको भन्दै एमाले भित्र असन्तुष्टिका बिच मेन्याङ्बोले आज धरान ८ स्थित कन्चनजंगा होटलमा एक औपचारिक कार्यक्रम गरी आफ्नो उमेदवारीको घोषणा गरेका छन् ।
उनले उमेदवारी घोषणाका क्रममा निरन्तर पार्टीको निर्णय मानेर अघि बढिरहेको भए पनि तालमेलको नाममा पार्टीका शीर्ष नेताहरूबाटै गद्दारी भएपछि त्यस विरुद्ध उमेदवारी दिनुपरेको बताए ।
