धरान । मोरङको विराटनगर महानगरपालिका १२ बखरीबाट मंगलबार प्रहरीले भारी परिमाणमा प्रतिबन्धित औषधिसहित एकजनालाई पक्राउ गरेको छ ।
पक्राउ पर्नेमा विराटनगर–१७ का ३० वर्षीय अम्जाद अली छन् । भारतको जोगवनीबाट औषधि ल्याउँदै गरेको अवस्थामा प्रहरीको जाँच टोलीले औषधिसहित उनलाई नियन्त्रणमा लिएको हो । कारबाहीका लागि औषधिसहित औषधि व्यवस्था विभाग विराटनगरमा बुझाइएको जिल्ला प्रहरी कार्यालय मोरङका प्रवक्ता डिएसपी दीपक श्रेष्ठले जानकारी दिए ।
प्रहरीको उनको साथबाट ८३ हजार ५२० रुपैयाँ मूल्य बराबरको इफाइकेक्स ५ कार्टुन, ५६ हजार ६७८ रुपैयाँ मूल्य बराबरको मिक्रोसोट एक कार्टुन र १ लाख २९ हजार २४ रुपैयाँ मूल्य बराबरको एन–बिमेलोक्स ७ कार्टुन बरामद गरिएको छ । इफाइकेक्स र एन–बिमेलोक्स प्रतिकार्टुन ७२ पिस हुन्छ भने मिक्रोसोट प्रतिकार्टुन १८ पिस हुने गरेको प्रवक्ता श्रेष्ठले जानकारी दिए ।
