वराहक्षेत्र/ वराहक्षेत्र नगरपालिकाको वार्ड नं २ बयरबनस्थित सप्तकोशी सुनचाँदी पसलमा करिब ४ लाख रुपैंया बराबरको गरगहना चोरी भएको छ ।
मंगलबार राती भएको घटनामा ३ तोला सुन र १ किलो चांदी चोरी भएको ईलाका प्रहरी कार्यलय चक्रघट्टीका प्रहरी निरीक्षक पांडव राजवंशीले बताएका छन् । घटनामा पसलमा राखिएको सिसीटिभी क्यामेराको रेकर्डर पनि चोरी भएको प्रहरीले बताएको छ ।
पसलमा बेच्न राखिएको, ग्राहकले सफा गर्न दिएको २ थान र बनाउँदै गरिएको सुनको गहना, यसैगरी चाँदीको सिक्री, सिक्का, औठी र वालाहरु चोरी भएको पसल सञ्चालक महेश वि.क.ले बताए ।
घटनाको अनुसन्धान भईरहेको प्रहरीले बताएको छ ।
