धरान । मोरङको मिक्लाजुङ गाउँपालिका–६ भण्डारी टोलमा हत्यापश्चात् फरार रहेका आरोपीलाई मोरङ प्रहरीले नियन्त्रणमा लिएको छ ।
छिमेकीको विवाद मिलाउने क्रममा स्थानीय ४५ वर्षीय धनराज लिम्बूको हत्यामा संलग्नलाई प्रहरीले नियन्त्रणमा लिएको हो । इलाका प्रहरी कार्यालय उर्लाबारको टोलीले मिक्लाजुङ–६ का ३३ वर्षीय रविन तामाङ, २५ वर्षीय सञ्जय तामाङ, ३० वर्षीय आइतराज तामाङ र ४० वर्षीय भाग्य बम्जनलाई पक्राउ गरेको हो ।
घटना भदौ ३ गते राति भएको थियो । रविन र निजकी पत्नीबीचको पारिवारिक विवाद मिलाउने जाने क्रममा लिम्बू र सोही ठाउँका ५५ वर्षीय दुर्गाबहादुर कार्कीमाथि लाठी प्रहार गरेका थिए । लाठी प्रहार गरी गम्भीर घाइते भएकामध्ये लिम्बूको उपचारको क्रममा विराटनगरमा निधन भएको थियो भने अर्का घाइते कार्कीको स्थानीय अस्पतालमा उपचारपश्चात् फर्किएका थिए ।
पक्राउ परेका उनीहरूलाई कर्तब्य ज्यान मुद्दामा जिल्ला अदालत मोरङबाट ८ दिनको म्याद थप गरी अनुसन्धान भइरहेको छ ।
