भेडेटार–राजारानी सडकखण्डमा सुख्खा पहिरो जाँदा आवतजावत अवरुद्ध भएको छ ।
भेडेटारबाट करिब ११ किलोमिटर दुरीमा रहेको ओख्रो ओडारे विचीमा रहेको तोङसिङ डाँडामा सुख्खा पहिरो जाँदा बिहान ७ बजे देखी नै उक्त सडक खण्ड अवरुद्ध भएको हो ।
पहिरोका कारण छ नम्बर बुधबारे राजारानी, डाँडा बजार, कुर्ले तेलुपा, मनाबुदुक, राजारानीलागायतका स्थानमा यात्रा अवरुद्ध भएको सडकखण्ड निर्माणको काम गरिरहेको भारतीय कम्पनी एचको का सर्वे इनजिनियर सञ्जय दासले बताएका छन् । उनका अनुसार डाँडामा हुस्सुका कारण पहिरो पन्छाउने काम गर्न सकिएको छैन ।
पहिरोको कारण यात्रा अवरुद्ध हुँदा आधा दर्जन बढी बस तथा सवारीसाधनहरू वारी पारी नै थुनिए छन् ।
