धरानकाे एक हाेटलकाे कोठामा मृत फेलापरेकी महिलाको पछिचान खुलेको छ ।
मंगलबार बिहान न्यु कान्तिपुर होटल एण्ड गेष्ट हाउसको कोठा नम्बर १०९ मा मृत अवस्थामा भेटिएकी महिलाको सनाखत भएको इलाका प्रहरी कार्यालय धरानले जनाएको छ । मृतक महिला इटहरी ५ मा डेरा गरी बस्ने ३९ वर्षीया सुमित्रा तामाङ रहेको कार्यालयले जनाएको छ । कार्यालयका अनुसार मृतक महिलाका आफन्तले उनकाे पहिचान गरेकाे हो ।
पाँचथरको मिक्लाजुङ गाउँपालिका १ स्थायी ठेगाना भएकी महिलाका श्रीमान् भारतीय सेनाबाट अवकाश पाएपछि हाल ब्रुनाईमा रहेको खुलेको इलाका प्रहरी कार्यालय धरानका प्रमुख डिएसपी नरेन्द्र कुँवरले बताएका छन् ।
उनका अनुसार मृतक महिलासँगै उक्त हाेटलमा बस्ने पुरुषको पहिचान गर्ने कार्य पनि भइरहेको छ । मृतक महिलाको एक छोरा र छोरी रहेको खुलेको छ ।
