धरान : धरानस्थित विपि कोइराला स्वास्थ्य विज्ञान प्रतिष्ठानको भिसी कार्यालयमा आन्दोलनरत चिकित्सकहरुले लगाएको ताला लिम्बूवान, एमाले र राप्रपाका युवाहरुले तोडेका छन् ।
प्रतिष्ठानको डेण्टल गेट तथा मूल गेटमा रहेका नेपाल प्रहरी र शसस्त्र प्रहरीको दुई तहको सुरक्षा घेरालाई तोडेर युवाहरुले भिसि कार्यालयको ताला तोडेका हुन् । प्रहरीले आन्दोलनको तयारीमा रहेका युवाले बोकेको झण्डा खोसेपछि युवाहरु आक्रोसित भएका थिए ।
आक्रोसित युवाहरुले डेण्टल गेटमा लगाएको ताला तोडेर प्रतिष्ठान हाता भित्र प्रवेश गरेका थिए । प्रहरीले बल समेत प्रयोग भएको थियो । साे क्रममा केही युवा घाइते भएका छन् । इलाका प्रहरी कार्यालय धरानका डिएसपी नरेन्द्र कुवंरका अनुसार दुइ जना प्रहरी पनि सामान्य घाइते भएका छन् । घटनाबारे थप बुझिरहेको डिसपीले बताएका छन्। प्रहरीले केही युवाहरूलाइ नियन्त्रणामा लिएकाे बुझिएको छ।
